នាព្រឹកថ្ងៃទី២៣ ខែឧសភា ឆ្នាំ២០២១ ឯកឧត្តម ទេព យុទ្ធី សមាជិកគណៈកម្មការទី៨ នៃព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ ដោយមានការចូលរួមពីលោក លោកស្រី សមាជិកក្រុមប្រឹក្សាស្រុកដំណាក់ចង្អើរ និងលោកអនុប្រធានភូមិអន្ទង់ស ឃុំពងទឹក ស្រុកដំណាក់ចង្អើរ បានអញ្ជើញចុះតាមខ្នងផ្ទះជួបសំណេះសំណាលសួរសុខទុក្ខជាមួយជនចាស់ជរា និងពិការ រស់នៅក្នុងភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប។
ក្នុងឱកាសនោះដែរ ឯកឧត្តម បានផ្ដាំផ្ញើឲ្បបន្តយយកចិត្តទុកដាក់ថែទាំសុខភាព ពិសេសត្រូវចូលរួមអនុវត្តន៍វិធានការ ៣ការពារ និង៣កុំ ដោយរក្សាអនាម័យក្នុងការរស់នៅដើម្បីទប់ស្កាត់ការឆ្លងជំងឺកូវីដ-១៩ និងបាននាំយកនូវអំណោយឧបត្ថម្ភជូនរួមមានក្នុងម្នាក់ៗទទួលបាននូវ ៖ ឈើច្រត់( ផលិតអំពីដែក ) ចំនួន ១គូរ, ទឹកបរិសុទ្ធ ១កេស, មី ១កេស, ម៉ាស់ ១ប្រអប់ និងថវិកាមួយចំនួនផងដែរ។
